28, მარტი 2019 20:02:00
გმირთა ხეივანში საციგურაო მოედანი აიღეს. ტერიტორია დაზიანებული კონსტრუქციისგან დაახლოებით ორი კვირის წინ გაათავისუფლეს. კომპლექსსს წლებია ფუნქცია დაკარგული ჰქონდა. ყინულის მოედნის დემონტაჟის მოთხოვნით, ბათუმის მერს, ა(ა)იპ ბათუმის სპორტული ცენტრის დირექტორმა მიმართა. როგორც წერილშია აღნიშნული დაზიანებულია როგორც მოედნის ზედაპირი, ისე ბორტები. ა(ა)იპში ამბობენ, რომ მოედანი დროებითი იყო მოწყობილი და მისი მოვლა - პარტრონობა და რეაბილიტაცია მათი ვალდებულება არ იყო. რით დატვირთავს თავისუფალ ტერიტორიას მერია, ამ ეტაპზე უცნობია.