15, აპრილი 2019 20:02:00
საბჭოთა რეპრესიების დროს დახვრეტილი მოქალაქეების ნეშტების გადასვენება გაურკვეველი ვადით გადადიო - განცხადებას ბათუმისა და ლაზეთის ეპარქია ავრცელებს. წერილიდან ირკვევა, რომ გადაწყვეტილება სამთავრობო კომისიისა და დნმ-ისათვის საჭირო ბაზის შექმნას უკავშირდება. ,,იქმნება სამთავრობო კომისია, ასევე მოწვეულია სამხარაულის საექსპერტო ბიუროს ჯგუფი, რომელიც შექმნის დნმ-ისათვის საჭირო ბაზას და სამომავლოდ შთამომავლებს შესაძლებლობა ექნება დნმ-ის ანალიზის საშუალებით წინაპართა იდენტიფიცირების“ - ვკითხულობთ წერილში. ცნობისთვის, ლაზეთისა და ბათუმის ეპარქიამ, საბჭოთა რეპრესიების დროს დახვრეტილი მოქალაქეების ნეშტები აღმოჩენის შესახებ ინფორმაცია 4 აპრილს გაავრცელა, დაკრძალვა კი 21 აპრილს იგეგმებოდა.