06, აპრილი 2017 20:38:00
აჭარის ფინანსთა და ეკონომიკის მინისტრი ბათუმის სახელმწიფო უნივერსიტეტის სტუდენტებს შეხვდა. მინისტრმა ახალგაზრდებს საინიციატივო ჯგუფის შექმნა და სხვადასხვა აქტუალურ საკითხებზე თანამშრომლობა შესთავაზა. რამაზ ბოლქვაძემ მათ სამ თვიან უფასო სტაჟირების პროგრამაზეც მიაწოდა ინფორმაცია, რომლის განხორციელებასაც უწყება უახლოეს მომავალში გეგმავს. სტუდენტები კურორტ გოდერძის, გომარდულის, გონიოს პოლიგონის და ბათუმის სტადიონის პროექტების სამომავლო ბედითაც დაინტერესდნენ. შეხვედრა ბათუმის შოთა რუსთაველის სახელმწიფო უნივერსიტეტში 2 საათს გრძელდებოდა.