თამბაქოს მოხმარებასთან დაკავშირებულ საკანონმდებლო პაკეტს დღეს, პარლამენტის ჯანდაცვის კომიტეტი მეორე მოსმენით - მუხლობრივად განიხილავს. კომიტეტის აპარატის ინფორმაციით, სხდომაზე დასასწრებად ქვეყანას ეწვევა ჯანმრთელობის მსოფლიო ორგანიზაციის ექსპერტთა ჯგუფი, რომლებიც კანონპროექტის საერთაშორისო ექსპერტიზასა და მხარდაჭერას უზრუნველყოფენ. კანონპროექტის თანახმად,  ცვლილებების მიღების შემთხვევაში თამბაქოს მოწევა სრულად აიკრძალება  ნებისმიერ შენობა-ნაგებობაში, გარდა კერძო საცხოვრებელი სახლებისა.  დარღვევის შემთხვევაში, კანონით მინიჭებული უფლებამოსილების ფარგლებში, პასუხისმგებელმა პირმა  დაუყოვნებლივ უნდა აღკვეთოს დაწესებულებაში თამბაქოს მოხმარება.  საკანონმდებლო პაკეტზე შენიშვნები აქვს მთავრობას. მთავრობის შენიშვნები 17 გვერდისგან შედგება და ის პარლამენტს უკვე წარედგინა. მთავრობის ადმინისტრაციაში მომზადებულ დასკვნაზე სავარაუდოდ, დღევანდელი განხილვისას იმსჯელებენ.

Tags:

გაზიარება

29