25, აპრილი 2017 17:06:00
კიდევ ერთი უბედური შემთხვევა. ავტოსაგზაო შემთხვევას ახალგაზრდა ქალის სიცოცხლე ემსხვერპლა. ავარია ქედის მუნიციპალიტეტში სოფელ ზვარესთან გუშინ მოხდა. არსებული ინფორმაციით, მსუბუქი ავტომობილი გზის სავალი ნაწილიდან გადავარდა, შედეგად, ავტომობილში მჯდომი ახალგაზრდა ქალი ადგილზე დაიღუპა, არასრულწლოვანი კი დაშავდა. მომხდარზე შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.