25, ოქტომბერი 2019 10:19:00
ხულოს მუნიციპალიტეტის მერიის ორგანიზებით ხულოს ტურისტულ ლოკაციებზე საინფორმაციო-გაცნობითი ტურები გრძელდება. ამჯერად, ტური დაბა ხულოს, ვაშლოვანისა და დეკანაშვილების ადმინისტრაციულ ერთეულებში შემავალი საჯარო სკოლების მოსწავლეებისათვის მოეწყო. ტურის ფარგლებში მოსწავლეებმა ხიხანის ციხე და სელიმ ხიმშიაშვილის თავკვეთის ადგილი დაათვალიერეს. მოეწყო პიკნიკი. ღონისძიება „ტურიზმის განვითარების ხელშეწყობის“ პროგრამის ფარგლებში ჩატარდა.
უნდა აღინიშნოს, რომ მერიის ტურიზმის განყოფილება ახორციელებს პროექტს ,,შეიცანი და გააცანი შენი მხარე ტურიზმის განვითარების მიზნით’’, რომლის მიზანსაც ადგილობრივი ახალგაზრდებისათვის ხულოს მუნიციპალიტეტის ტურისტული შესაძლებლობების გაცნობა წარმოადგენს. პროექტის ფარგლებში საინფორმაციო გაცნობითი ტურები ხულოს სხვადასხვა ტურისტულ ლოკაციებზე, მუნიციპალიტეტის ყველა საჯარო სკოლის მოსწავლეებისათვის მოეწყობა.