02, მაისი 2017 20:08:00
პრეზიდენტის არჩევის წესი, საარჩევნო სისტემა და მანდატების გადანაწილება, სასამართლოს დაკომპლექტების წესი - ეს ის ძირითადი საკითხებია რის გამოც საკონსტიტუციო ცვლილებათა პაკეტს მესამე სექტორის წარმომადგენლები ნეგატიურად აფასებენ. "საერთაშორისო გამჭვირვალობა საქართველოში" მიაჩნიათ, რომ საკონსტიტუციო კომისიის ინტენსიური მუშაობის მიუხედავად, ოთხი თვე არ არის საკმარისი ფუნდამენტური საკონსტიტუციო ცვლილებების შემუშავებისთვის. მესამე სექტორის წარმომადგნელებმა ცვლილებების საბოლოო პროექტს მხარი არ დაუჭირეს. როგორც უწყების საპარლამენტო მდივანი ამბობს, ცვლილებებთან დაკავშირებით შეფასებას უახლოეს დღეებში ვენეციის კომისიას გადაუგზავნიან. მსგავსი პოზიცია აქვთ ახალგაზრდა იურისტთა ასოციაციაშიც. იმისათვის, რომ კონსტიტუცია იყოს მოქალაქეთა ფართო ფენის ინტერესების დამცველი , ბრძოლის გაგრძელებას საიაც ვენეციის კომისიაში გეგმავს.