17, მაისი 2017 20:12:00
რამდენიმე დღიანი დუმილის შემდეგ ბათუმში მეჩეთის მშენებლობაზე უარის მიზეზებზე მერმა პირველი კომენტარი გააკეთა. გიორგი ერმაკოვი მერიის მიერ გამოცემულ სამართლებრივ აქტს დისკრიმინაციულად არ მიიჩნევს. მისივე თქმით, საკითხთან დაკავშირებით, მას გადაწყვეტილება ერთპიროვნულად არ მიუღია და ამ პოზიციაზე ზონალურ საბჭოზე საკითხის განხილვისა და იქ დასახელებული არგუმენტების შემდეგ შეჯერდნენ. ქალაქის მერი ირწმუნება, რომ აღნიშნულ ტერიტორიაზე საკულტო ნაგებობის მშენებლობის შესახებ ინფორმირებული არ იყო და ამის შესახებ მხოლოდ უწყებაში პროექტის შესვლის შემდეგ გაიგო.