24, მაისი 2017 17:10:00
ქობულეთში, რუსთაველის ქუჩაზე მოუწესრიგებელი ინფრასტრუქტურა კვლავ ოპოზიციის კრიტიკის საგანი ხდება. ტურისტული ქალაქი დამსვენებლებს გზაგამყოფი და ზებრა გადასასვლელების ნიშნულების გარეშე ხვდება. ადგილობრივები საავტომობილო გზაზე ორმოებით გამოწვეულ დისკომფორტზეც საუბრობენ. „ნაციონალური მოძრაობის“ წევრი მუნიციპალიტეტის გამგეობას უმოქმედობაში ადანაშაულებს. მერაბ ცინცაბაძის თქმით, ქუჩების მოწესრიგებისთვის 8 მილიონია გამოყოფილი, თუმცა არასწორი მენეჯმენტის შედეგად, პრობლემები არ მოგვარდა. გამგეობაში განმარტეს, რომ რუსთაველის ქუჩაზე წლის ბოლომდე სანიაღვრე სისტემის, ბორდიურების და გზის მოწესრიგება ეტაპობრივად მოხდება, ხოლო ქუჩის სრული ასფალტირება 2018 წელსაა დაგეგმილი.