ტურიზმი - ეს ერთ-ერთი იმ სექტორთაგანია, რომელმაც ყველაზე დიდი დარტყმა მიიღო კოვიდ19-სგან, როგორც მოთხოვნის, ისე მიწოდების კუთხით. გამომდინარე აქედან, ჩვენს ქვეყანაში აქცენტი შიდატურიზმზე კეთდება. აჭარა 15 ივნისიდან, ვიზიტორების მოლოდინშია. რამდენად მზად არის ამისთვის რეგიონი? და რას გულისხმობს განსხვავებული სამზადისი, რომლითაც აჭარის ტურიზმის დეპარტამენტმა ქართველი ტურისტი უნდა მოხიბლოს? ვნახოთ რეპორტაჟი.
15 ივნისიდან აჭარა ვიზიტორების მოლოდინშია. კოვიდპანდემიის შემდეგ ქვეყნისთვის განსაკუთრებით აქტუალური შიდა ტურიზმი გახდა. სამუშაოებიც აჭარის ტურიზმის დეპარტამენტმა სწორედ შიდა ტურიზმის პოპულარიზაციისკენ მიმართა.
რას გულისხმობს განსხვავებული სამზადისი, რომლითაც აჭარამ ქართველი ტურისტი უნდა მოხიბლოს და გასულ წლებთან შდარებით დასვენება უფრო საინტერესო გახადოს?!-დეპარტამენტში მნიშვნელოვნად მიაჩნიათ ველო და სათავგადასავლო ბილიკების მოწყობა მთასვლელებისთვის, საპიკნები ტერიტორების გამოყოფა, მეტი რეკრეაციული ზონების მოწყობა.
ტურიზმის სფეროს ექსპერტებს კი ყველაზე მნიშვნელოვნად მაინც ფასების რეგულირება მიაჩნიათ. ამბობენ, რომ წელს იმდენად უნდა იყოს ხელმისაწვდომი სერვისები, როგორც არასდროს. თემურ დიასამიძე ვარაუდობს, რომ წელს ნაკლები ტურისტი იქნება, ამიტომ ერთადერთი რაც მათ მოხიბვლაში დაგვეხმარება-მომხიბვლელი ფასებია.
რამდენად გახდება ხელმისაწვდომი განთავსება თუ კვება აჭარაში, პროგნოზები რთულია, თუმცა კომპეტენციის ფარგლებში, სახელმწიფო სტრუქტურები, მხოლოდ მოუწოდებენ ტურიზმის სფეროში ჩართულ მეწარმეებს, ფასებთან დაკავშირებული რეკომენდაციები მაქსიმალურად გაითვალისწინონ.
1
s
s
s