28, სექტემბერი 2020 17:59:00
დღეიდან საუბნო საარჩევნო კომისიების პირველი სხდომები გაიმართება. სწორედ, აქედან იწყება კომისიის წევრთა უფლებამოსილების განხორციელება. აირჩევენ თავმჯდომარეებს, მოადგილებსა და მდივნებს. სხდომებზე დასწრების უფლება აქვთ შესაბამის საარჩევნო უბანზე რეგისტრირებული საარჩევნო სუბიექტების წარმომადგენლებს, რეგისტრირებულ სადამკვირვებლო და აკრედიტებულ მედია ორგანიზაციებს. კანონმდებლობის თანახმად, აღნიშნული უფლება არ ვრცელდება ცესკოსა და საოლქო საარჩევნო კომისიაში დანიშნული სუბიექტების წარმომადგენლებზე. დასწრების მსურველებს პანდემიის წესების სრული დაცვა მოეთხოვებათ.