07, ოქტომბერი 2020 16:58:00
ოპოზიციის წინააღმდეგ მართული დისკრედიტაციული კამპანიის სამი ფეისბუქ გვერდის უკან, ბუტა რობაქიძის დედის, ია მეტრეველის ორგანიზაცია "დავასრულოთ" დგას. ამის შესახებ "სამართლიანი არჩვენები" წერს. ორგანიზაციის მიგნებით , ეს გვერდებია: "არქივი", "პოლიტიკური მოთვალთვალე" და "დავასრულოთ". მათივე ცნობით, 7 აგვისტოს, იმავე დღეს, როდესაც საქართველოში ფეისბუქის რეკლამების ბიბლიოთეკა სრულად ამოქმედდა, საჯარო რეესტრში დარეგისტრირდა აიპი "დავასრულოთ", რომელთა დამფუძნებლებმა, პრეზენტაციისას განაცხადეს, რომ მათი მიზანი "ნაციონალური მოძრაობის" დასრულებაა. "სამართლიანი არჩევნების" განცხადებაში, ასევე ნათქვამია, რომ Facebook გვერდი "დავასრულოთ" 18 სექტემბერს ამოქმედდა, ხოლო გვერდზე ერთი პოსტია განთავსებული, რომლის მიზანი ბუბა კიკაბიძის დისკრედიტაციაა.