საარჩევნო კოდექსში განხორციელებული ცვლილებების შემდეგ, ქვეყანაში პირველი არჩევნები გაიმართა. რიგით მეათე საპარლამენტო არჩევნები, აჭარაში მშვიდ გარემოში მიმდინარეობდა. კენჭისყრის ვადის ამოწურვამდე ხმაურიანი დაპირისპირებები არ ყოფილა, თუმცა პროცესი დარღვევების გარეშე არ დასრულებულა.
საარჩევნო უბნებთან, სიებით ხელში კოორდინატორები და მოქალაქეებით სავსე სამარშრუტო ტაქსები დილიდანვე გამოჩნდნენ. კამერების დანახვისას ნაწილი ტერიტორიიდან გაცლას ცდილობდა. ხოლო შეკითხვისას, რას აკეთებდნენ საათობით უბებთან, განსხვავებული პასუხები ჰქონდათ.
მთელი დღის განმავლობაში, პერიოდულად იმართებოდა დარღვევებზე საგანგებო ბრიფინგები პარტიულ შტაბებში. "ნაციონალური მოძრაობა" ამომრჩევლების ბოსტნეულით მოსყიდვის ფაქტებზე საუბრობს. პარტიაში კიდევ რამდენიმე გარემოებაზე ისაუბრეს, რომლითაც მათივე განცხადებით, ადგილი ჰქონდა ხმების გაყალბების მცდელობას.
დარღვევებზე საუბრობდნენ დღეს „ლელო საქართველოშიც“. თქვეს, რომ რიგ უბნებზე ადგილი ჰქონდა მარკირებაგავლილი ადამიანების ხელმეორედ ხმისმიცემის მცდელობებს. პარტიაში ასევე ამბობენ, რომ გადასატანი ყუთებით ბევრ ამომრჩეველთან არ მისულან.
დღის ბოლოს, ხმაური იყო ბათუმის 47-ე საარჩევნო უბანზე. რაც ერთ-ერთ ამომრჩეველს საკუთარ გრაფაში ხელი უკვე მოწერილი დახვდა. უბანზე არც სოციალური დისტანცია იყო დაცული. უბანზე ჩვენი გადამღები ჯგუფისთვის გადაღების აკრძალვაც სცადეს.
რამდენად მოახდენს გავლენას დღის განმავლობაში გამოვლენილი დარღვევები სააბოლოო შედეგზე, ცხადია, წინასწარ რთული სათქმლია, თუმცა რეალური სურათი უკვე საჩივრების განხილვის დასრულების შემდეგ გამოჩნდება.
3
s
s
s