26, ნოემბერი 2020 21:45:00
შეზღუდვების პარალელურად, მთავრობამ ანტიკრიზისულ გეგმაზეც ისაუბრა. როგორც ცნობილია, ხელისუფლება იგივე სახის სოციალურ მიზნობრივ დახმარებას აწესებს, რაც პანდემიის პირველი ტალღის დროს თვითდასაქმებულთათვის ჰქონდათ. სახელმწიფო იღებს ვალდებულებას იმისაც, რომ დახმარება გაუწიოს მოქალაქეს, რომელსაც საბანკო ვალდებულებები აქვს. რამდენად დაუჭერს მხარს დაწესებული შეღავათები შემოსავლის გარეშე დარჩენილებს? შეფასებას „ქართული ოცნების“ ოპონენტები აკეთებენ.
„ლელო საქართველოსთვის" ერთ-ერთია, სადაც მთავრობის შეღავათების შედეგები არ ეიმედებათ. აცხადებენ, რომ მთვარობის მიერ გამოყოფილი თანხა სრულიად არასაკმარისია საიმისოდ, რომ ადამიანებმა თვიდან თვემდე თავის გატანა შეძლონ. აქვთ მოლოდინი, რომ ქვეყანა გაცილებით დიდ ეკონომიკურ კრიზისში აღმოჩნდება.
„ერთიან ნაციონალურ მოძრაობაში“ ისევ ამბობენ, რომ ხელისუფლება პანდემიას სათავისოდ იყენებს და ეკონომიკური კრიზისი იმაზე დიდი იქნება, ვიდრე ეს დღეს არის სახეზე. გიორგი კირთაძე ფიქრობს, მთავრობის შეღავათები ადამიანებისთვის შვება ვერ იქნება.
სხვა ოპოზიციურ პარტიებში კი აცხადებენ, რომ მთავრობას, ის ანტიკრიზისული გეგმა არ გააჩნია, რომელიც ეფექტური იქნება, შესაბამისად არც მოლოდინი აქვთ, რომ მოსახლეობას რომელიმე შეღავათი, არსებობას გაუიოლებს.
გარდა ერთჯერადი, 300 ლარიანი კომპენსაციისა, მთავრობის გადაწყვეტილებით, სოციალურად დაუცველ მრავალშვილიან ოჯახებს, ასევე მათ, რომელთა სარეიტინგო ქულა 65 ათასიდან 100 ათასამდეა, სახელმწიფო ექვსი თვის განმავლობაში 100 ლარით დაეხმარება.