27, ივნისი 2017 17:10:00
ეროვნული გამოცდებისთვის სამზადისი დაიწყო. პირველ გამოცდას აბიტურიენტები ქართულ ენასა და ლიტერატურაში 3 ივლისს ჩააბარებენ. აჭარის მასშტაბით ორი საგამოცდო ცენტრი იმუშავებს: ბათუმის შოთა რუსთაველის სახელმწიფო უნივერსიტეტში და დაბა ხულოს საჯარო სკოლაში. ბათუმის საგამოცდო ცენტრში მაქსიმალური დატვირთვით 80 სექტორი იმუშავებს, სადაც გამოცდას 2 000 – ზე მეტი აბიტურიენტი ჩააბარებს, რაც შეეხება ხულოს საგამოცდო ცენტრს, აქ მაქსიმალური დატვირთვით 10 სექტორი იმუშავებს და გამოცდებზე 500 – მდე აბიტურიენტია რეგისტრირებული. ეროვნული გამოცდები წელს მეორედ ნაწილობრივ ელექტრონული ფორმატით ჩატარდება. გამოცდები 27 ივლისს დასრულდება.