28, ივნისი 2017 14:10:00
ბათუმის საკრებულოს ახალი წევრი ჰყავს. დიმიტრი ჭეიშვილი „ნინო ბურჯანაძე - დემოკრატიული მოძრაობის“ პროპორციული სიის მომდევნო ნომერმა ომარ ფარტენაძემ ჩაანაცვლა. გადაწყვეტილება საკრებულომ დღეს მიიღო. ფარტენაძე 2014 წელს ადგილობრივი თვითმმართველობის არჩევნებზე საკრებულოს წევრობის მაჟორიტარი კანდიდატი იყო. იგი ბსუ-ში იურიდიული ფაკულტეტის სამართლის დეპარტამენტის ხელმძღვანელად მუშაობს. დიმიტრი ჭეიშვილმა პარტია 5 მაისს დატოვა. მან უარი თქვა ბათუმის საკრებულოში დეპუტატის მანდატზეც. ჭეიშვილმა 2016 წლის დეკემბერში გიორგი ცინცქილაძე ჩაანაცვლა.