27, იანვარი 2021 21:45:00
აჭარაში პირველი თებერვლიდან მოსწავლეები საკლასო ოთახებს უბრუნდებიან. ბავშვები მერხებს თერმო სკრინინგის, და დეზობარიერის გავლის შემდეგ მიუსხდებიან. გარდა ამისა სასკოლო მაგიდებთან დახვდებათ ხელის და ზედაპირებისთვის განკუთვნილი სადეზინფექციო ხსნარები. სასწავლო პროცესის საკლასო ოთახებში გაგრძელების იდეასთან დაკავშირებით მშობლებში აზრთა სხვადასხვაობაა. დეტალები ვნახოთ, რეპორტაჟში
სადეზინფექციო სამუშაოები თითქმის ყველა სკოლაში და ყველა საკლასო ოთახში დასრულებულია. მომარაგებულია თერმოსკრინინგს პატარატები და პირბადეები, ასევე სადეზინფექციო ხსნარები. სათითაოდ, ყველა კლასისთვის მომზადებულია დეზობარიერები. საჯარო სკოლები სასწავლო წლის დასაწყებად ემზადებიან. მთავარი პრობლემა, რაზეც ახლა დირექტორები საუბრობენ, ეს ცვლებს შორის ხანმოკლე ინტერვალია, რომელიც დალაგება-განიავებისთვისა საჭირო.
სკოლებში უსაფრთხო სასწავლო პროცესის ორგანიზაბეითვის ერთ-ერთი მთავარი პირობაა დისტანციის დაცვა. ამისთვის, მერხები სპეციალურად მონიშულ ადგილებზე დაიდგმება. არის ერთი პრობლემა. რამდენად დაიტევს ერთი კლასი ამ დისტანციით მოსწავლეებს. სკოლების ადმინისტრაციებში აცხადებენ, რომ ასეთ შემთხვევებში დერეფნები გამოიყენება. სკოლა ვალდებულია, პირველ თებერვლამდე მოაწყოს საიზოლაციო ოთახიც. მას იმ შემთხვევაში გამოიყენებენ, თუ კი რომელიმე მოსწავლეს საეჭვო სიმპტომს შენიშნავენ. თუ ვირუსი დადასტურდება, კლასი ავტომატურად სწავლების დისტანციურ რეჟიმზე გადავა. ვირუსის გავრცელების რისკების შეფასების გათვალისწინებით, შესაძლოა კონკრეტული სკოლა დროებით ისევ დაიხუროს.
ბათუმის რამდენიმე სკოლაში, ჰიბრიდული მოდელით ისწავლიან. უფროსკლასელებს, გაკვეთილების ნაწილი ისევ ონლაინ ჩაუტარდებათ. ეს იმ სკოლებში მოხდება, სადაც მოსწავლეთა ნაკადი დიდია, საკლასო ოთახები კი მცირე ზომის.
სკოლებში საგაკვეთილო პროცესის დასაწყებად, სამზადისი აქტიურ ფაზაშია, თუმცა მშობლების დიდი ნაწილი ბავშვების გაგზავნას არ აპირებს. ფიქრობენ, რომ კლასებში სწავლის დაწყება ნაადრევია, მით უფრო პატარებისთვის, რადგან ისინი რეგულაციების დაცვას ვერ მოახერხებენ.
მშობლების მეორე ნაწილს სხვა პოზიცია აქვს. ამბობენ, რომ ონლაინ სწავლება უშედეგოა, რომ სახლის პირობებში, ბავშვებს უჭირთ კონცენტრირდნენ საგაკვეთილო პროცესზე. აღნიშნავენ იმასაც, რომ ხშირად ინტერნეტ კავშირი, მათ შორის ზუმის პროგრამა ხარვეზით მუშაობს.
გარდა საგნობრივი საათებისა, სკოლებში ისევ აკრძალული რჩება კულტურული და სპორტული წრეების მუშაობა. სკოლებში დახურული იქნება სასადილო ოთახებიც. შენობაში უცხო პირთა შესვლას დაცვის სამსახური გააკონტროლებს.