19, მარტი 2021 21:59:00
პირველი ლეტალური შემთხვევა ვაქცინაციის შემდეგ. 27 წლის ექთანი, რომელსაც „ასტრაზენეკას“ ვაქცინის გაკეთების შემდეგ ანაფილაქსიური შოკი განუვითარდა, კლინიკაში გარდაიცვალა. პაციენტი უმძიმეს მდგომარეობაში იყო. ექიმებმა რამდენიმე საათიანი ძალისხმევის მიუხედავად, მისი გადარჩენა ვერ შეძლეს. მომხდარზე ძიება სამართალდამცავმა უწყებამ გაუფრთხილებლობით სიცოცხლის მოსპობის მუხლით დაიწყო. ახლა სამართალმცავმა უწყებამ უნდა დააზუსტოს, რა გახდა ახალგაზრდა ქალის გარდაცვალების მიზეზი. მიზეზის დადგენას და ექსპერტიზას ითხოვს ოჯახიც.
პირველი ფატალური შემთხვევა, ვაქცინაციის შემდეგ. ექთანი, რომელსაც ანაფილაქსიური შოკი განუვითარდა, გულის გაჩერებით გარდაიცვალა. ფაქტის შესახებ ოჯახის წევრებმა კლინიკის ეზოში გაიგეს. მათი თქმით, 27 წლის მეგი ბაქრაძე სრულიად ჯანმრთელი იყო.
შეუძლია თუ არა ანაფილაქსიურ შოკს დროული რეაგირების შემთხვევაში სიკვდილის გამოწვევა?ეს ის მთავარი კითხვაა, რომელსაც ახლა პუსუხი უნდა გაეცეს. გაკეთდა თუ არა ყველაფერი სწორად გამოძების დასრულების შემდეგ გახდება ცნობილი.
ახალციხელი ექთნის გარდაცვალების გამო, დღეს, ჯანდაცვის სამინისტროში საგანგებო ბრიფინგი გაიმართა. როგორც მინისტრის მოადგილე, თამარ გაბუნია განმარტავს, მედიკოსს ყველა ცარევა დროულად ჩაუტარდა. მომხდარი შემთხვევის ფონზე, სამინისტრო ასტრაზენეკათი ვაქცინაციას მაინც აგრძელებს, თუმცა პროცესი მრავალპროფილურ კლინიკებში გაგრძელდება.
ვაქცინაციის შემდეგ ალერგიული რეაქცია კიდევ ერთ მედიკოსს განუვითარდა. ამის შესახებ დაავადებათა კონროლის ცენტრის დირექტორმა განაცხადა. ამირან გამყრელიძის ინფორმაციით, ქალი ამჟამად თავს კარგად გრძნობს. მისივე განცხადებით, ქვეყანაში კორონავირუსის პრევენციისთვის იმუნიზაციას ალტერნატივა არ აქვს.
ახალციხის კლინიკაში სამართალდამცველები და ჯანდაცვის სამინისტროს რეგულირების სააგენტოს წარმომადგენელბი მუშაობენ. უნდა დადგინდეს, ექთნის შოკიდან გამოსაყვანად, გაკეთდა თუ არა ყველაფერი სწორად და დროულად.
ახალციხის კლინიკაში 27 წლის ექთანს, გვერდითი რეაქცია, „ასტრაზენეკას“ ვაქცინის გაკეთების შემდეგ განუვითარდა, რის შემდეგაც, კრიტიკული მდგომარეობით, თბილისში გადაიყვანეს.