ამ ყველაფრის ფონზე კი საზოგადოებაში გაჩნდა კითხვა, რა გართულებები ან გვერდითი მოვლენები შეიძლება ჰქონდეს ვაქცინას. რამდენიმე დღის წინ კომპანია ასტრაზენეკამ 17 მილიონი ადამიანის მონაცემების გადამოწმების შედეგად, რომლებიც იმუნიზაციის პროცესში ჩაერთნენ, განაცხადა, რომ არ გამოვლენილა თრომბოემბოლიის გაზრდილი რისკის “რაიმე მტკიცებულება”. რაც შეეხება - ანაფილაქსიურ შოკს. ინფექციონისტები და ეპიდემიოლოგები ამბონენ, რომ პანიკის საძველი არ არის, რადგან იგი ყველა სახის ვაქცინას ახასიათებს. იმუნიზაციის სხვა ალტერნატივა, რომ არ არსებობს, ამაზე საუბრობს დაავადებათა კონტროლის ეროვნული ცენტრის ხელმძღვანელი.
AstraZeneca-ს ვაქცინის სერიოზული გვერდითი მოვლენა, ანაფილაქსიური შოკი, რომელიც საქართველოში გუშინ დაფიქსირდა, დღეს, ფატალურად დასრულდა. სამედიცინო სფეროს წარმომადგენლების თქმით, ანაფილაქსიური შოკის რისკი, აცრისას, ბაზარზე არსებულ ყველა ვაქცინას თან ახლავს.
ინფექციონისტების განმარტებით, ანაფილაქსიური შოკის რისკი, ზოგადად, მცირეა. სტატისტიკის სახით, მსგავსი გვერდითი მოვლენის დაფიქსირებას ერთეულობით ასახელებენ. ამბობენ, რომ AstraZeneca-ს აცრის უსაფრთხოება „ევროპის წამლის საბჭომაც“ დაადასტურა და შექმნილი ვითარება, ვაქცინაციის შეჩერების წინაპირობა არ უნდა გახდეს.
გაზარდა თუ არა, ანტივაქსერული განწყობები 27 წლის ექთნის გარდაცვალებამ? აჭარის ჯანდაცვის სამინისტრო კითხვას არ პასუხობს. რაც შეეხება უკვე აცრილი მედიკოსების რაოდენობას, უწყების ცნობით, გუშინ, ვაქცინა, სამედიცინო სფეროს 90-მა წარმომადგენელმა გაიკეთა. დღევანდელი მონაცემები კი დღის ბოლოს გახდება ცნობილი.
შეგახსნებეთ, ამ ეტაპზე, საქართველოში, AstraZeneca-ს 43 ათას 200 დოზაა შემოსული. მთავრობა, დამატებით პარტიას მარტის ბოლომდე ელოდება. მათივე ცნობით, მიმდინარე თვის დასასრულს, 29 ათას 250 დოზა, ფაიზერის ვაქცინაც უნდა შემოვიდეს.
10
s
s
s