23, მარტი 2021 21:08:00
ევროპა კვლავ ქართული პოლიტიკური პროცესების დალაგებას ცდილობს. შექმნილი კრიზისის დასაძლევად და მოლაპარაკებების მაგიდასთან კიდევ ერთხელ დასაჯდომად ევროპული საბჭოს პრეზიდენტის პირადი წარმომადგენელი საქართველოში კვირის ბოლოს ამჯერადმ , მეორედ ჩამოვა. მისია იგივეა, თუმცა რამდენად წარატებული აღმოჩნდება ამჯერად დიალოგი, ეს იმაზეა დამოკიდებულები, ვინ რა ულტიმატუმით შევა შეხვედრაზე ან რა კომპრომისზე წასვლას
ბოლო 2 კვირის განმავლობაში, კრისტიან დანიელსონის თვითმფრინავი, თბილისის საერთაშორისო აეროპორტში, უკვე მეორედ დაეშვება. ევროკავშირის ოფიციალური წარმომადგენელი საქართველოში იმ მისიით ბრუნდება, რომლის შესრულებაც პირველი ვიზიტის დროს ვერ მოახერხა. მომდევნო კვირიდან,ხელისუფლება და ოპოზიცია ქვეყანაში არსებულ რთულ ვითარებაზე, ისევ, იმსჯელებენ და შეთანხმების მიღწევას შეეცდებიან.
ხელისუფლების ოპონენტები ამჯერადაც ხაზგასმით ამბობენ, რომ მთავარი ვადამდელი არჩევნების დანიშვნა და პოლიტიკური დევნის შეწყვეტაა. თუმცა მზად არიან „ქართულ ოცნებასთან“ კომპრომისულ ვარიანტებზეც იმსჯელონ.
ოპოზიცია ვარაუდობს, რომ ოცნების გუნდს საერთაშორისო ზეწოლის ფონზე დათმობაზე წასვლა მაინც მოუწევს. მათი ერთი ნაწილი კი, რომელიც პარლამენტში შესვლის სურვილს უკვე დიდი ხანია აღარ მალავს, ამბობს, რომ თუ შეთანხმება შედგება, ისინი პარლამენტში საკუთარ ადგილებს დაიკავებენ.
მმართველ გუნდში ამბობენ, რომ დანიესლსონის პირველი ვიზიტის დროს შეთანხმება მხოლოდ იმიტომ ვერ შედგა, რომ ოპოზიციამ საუბარი ულტიმატუმების ენით დაიწყო. უმრავლესობა იმედს იტოვებს, რომ დანიელსონის საქართველოში დაბრუნების შემდეგ, ოპოზიცია, მათ შეთავაზებებს დათანხმდება.
მანამდე, სანამ, საქართველოში, კრისტიან დანიელსონის დაბრუნებას ელოდებიან, საზოგადოებისთვის მოლაპარაკებების დეტალები, ისევ, უცნობია. აღმოჩნდება თუ არა ევროპელი დიპლომატის მორიგი ვიზიტი წარმატებული, მას შემდეგ გაირკვევა, რაც მხარეები, ერთი მაგიდის გარშემო დასხდებიან.