ოთხ წევრიანი ოჯახი, რომლის საცხოვრებელიც 3 თვის წინ დაიწვა, ბათუმის მერიამ ღია ცის ქვეშ ცხოვრებისთვის გაწირა. მიზეზად მხოლოდ ის დაუსახელეს, რომ ბათუმში რეგისტირებულნი არ არიან. ხინკილაძეები, ქალაქში 6 წლის წინ დასახლდნენ. რეგისტრაციაზე მოთხოვნა მაშინვე დააყენეს, თუმცა მიწის საკუთრების აღიარების კომისიისგან პასუხი დღემდე ვერ მიიღეს. ავგიის 5 ნომერში მცხოვრებლებს ალტერნატიული სახლის შესაძენად თანხა არ აქვთ, რადგან მათი ერთადერთი შემოსავალი 100 ლარიანი სოციალური დახმარებაა.
ხინკილაძეები, რასაც ექვსი წელი აშენებდნენ, ერთ საათში ფერფლად ექცათ. ხანძრიდან უკვე სამი თვე გავიდა, თუმცა ოჯახს არც კომპენსაცია მიუღია და არც დროებითი საცხოვრებელი. ამბობენ, რომ ბათუმის მერიაში არავინ არასოდეს დაინტერესებულა, სად წაიყვანეს ორი მცირეწლოვანი შვილი და სად ათევენ ღამეს ამ ხნის განმავლობაში.
ხელისუფლება ხინკილაძეებს მხოლოდ იმიტომ არ ეხმარება, რომ ბათუმში არ არიან რეგისტრირებულნი. თამილა ჯოყილაძე ამბობს, რომ ხის სახლი, რომელიც დაეწვათ, მშობლებისგან ნაჩუქარ მიწაზე ჰქონდათ აგებული, თუმცა დაკანონებული არ არის, რადგან, მიწის აღიარების კომისიისგან პასუხს ამ დრომდე ამაოდ ელოდება.
რასაც სახელმწიფოსგან იღებს, ას ლარიანი სოციალური დახმარებაა. მხარდაჭერაზე ოჯახს უარს ეუბნება ბათუმის თვითმმართველობაც. არგუმენტი იგივეა: ოჯახი ბათუმში რეგისტრირებული არ არის. ხინკილაძეებს, რეგისტრაცია ხელვაჩაურში აქვთ, თუმცა რაოდენ გასაკვირიც არ უნდა იყოს, დახმარებაზე აქედანაც უარით გაისტუმრეს. თამილა ჯოყოლაძე ამბობს, რომ ვინაიდან სახლი რომელიც დაეწვათ, ბათუმის ტერიტორიაზე იდაგა, უთხრეს, რომ მათ პასუხისმგებლობას სცდება.
ვიტალი ხინკილაძე, ცოლ-შვილით, უკვე თვეებია გათხოვილ დასთან ცხოვრობს.
1
s
s
s