ბაუ - მრავალპროფილური ჰოსპიტალი, სადაც მაღალი ხარისხის ამბოლატორიული და სტაციონარული მომსახურებაა გათვალისწინებული. ფუნქციონირებს კარდიოლოგიური, გულ-სისხლძარღვთა და ზოგადი ქირურგიის, მეან-გინეკოლოგიისა და რეპროდუქტოლოგიის, ოფთალმოლოგიის, უროლოგიის, ნევროლოგიის, ნეიროქირურგიის, ტრავმატოლოგიის, ენდოკრინოლოგიის, პედიატრიის, რადიოლოგიის მიმართულებები. სამედიცინო დაწესებულებას თანამედროვე ტექნოლოგიით აღჭურვილი ლაბორატორიც აქვს. ამასთან, რაც ყველაზე მთავარია, მედიკოსთა გუნდი პაციენტებზე სრულად ორიენტირებულია.
პაციენტის ასაკი 23 წელი. დიაგნოზი გულმკერდის აორტის განშრევება ანუ დისექცია. საჭიროებს გადაუდებელ კარდიოქირურგიულ ჩარევას.
ურთულესი დიაგნოზი პაციენტს ბათუმის ერთ-ერთ კლინიკაში დაუსვეს და დაუყონებლივი ოპერაციისთვის ბაუ საერთაშორისო ჰოსპიტალში გადაიყვანეს. ყველაფერს წუთები წყვეტდა. სამედიცინო დაწესებულების კარდიოქირურგთა გუნდმა ახალგაზრდის გადასარჩენად მაქსიმუმი გააკეთა.
მაჰირ ბალაქიშიევი კარდიოქირურგთა გუნდს ბაუ საერთაშორისო ჰოსპიტალში გახსნის დღიდან ხელმძღვანელობს. კლინიკა ერთადერთია რეგიონში, სადაც უკვე 5 წელზე მეტია, უმძიმეს მდგომარეობაში მყოფ პაციენტებს, დღე-ღამის ნებისმიერ დროს, მაღალ პროფესიულ დახმარებას ოპერატიულად უწევენ. კარდიოქირურგებმა ამ ხნის განმავლობაში ოპერაცია ასობით ადამიანს ჩაუტარეს და მეორე სიცოცხლე აჩუქეს. ჰოსპიტალში გულის ურთულესი ქირურგიული ჩარევები წარმატებით ხორციელდება.
კარდიოქირურგიული ოპერაციების პარალელურად, ბაუში წარმატებით მუშაობს კათეტერიზაციის ლაბორატორია, რომელიც აღჭურვილია თანამედროვე სამედიცინო აპარატურითა და წამყვანი ბრენდული ფირმების მიერ მიწოდებული პროდუქციით.
ჰოსპიტალში, კარდიოლოგიურ დაავადებათა დიაგნოსტიკა შესაძლებელია გულის ექოსკოპიის, ჰოლტერის მონიტორირებისა და დატვირთვის ტესტის მეშვეობითაც. გულის ულტრაბგერით კვლევებს უახლესი ციფრული აპარატით რადიოლოგი ნინო აბულაძე ატარებს. ტარდება ნაყოფის კარდიოექოსკოპიაც.
ბაუ საერთაშორისო ჰოსპიტალი სრულად და წარმატებით უზრუნველყოფს ყველა ძირითადი კარდიოლოგიური პათოლოგიის დიაგნოსტირებას, მკურნალობას და ამბულატორიულ ზედამხედველობას.
1
s
s
s