25, ივნისი 2021 13:53:00
საშვილოსნოს ყელის კიბო ერთ-ერთი ყველაზე გავრცელებული ონკოლოგიური დაავადებაა ქალებში. იგი, ძირიტადად პაპილომა ვირუსის ზემოქმედების შედეგად ყალიბდება და სქესობრივი გზით გადადის. არსებობს ვირუსის 100-ზე მეტი ტიპი, თუმცა ყველა მათგანი ონკოლოგიური დაავადების გამომწვევი არ არის.
დაავადებას, ცხადია გააჩნია თვისი სიმპტომები, მათ შორის ადრეულ სტადიაზე. განკურნება იმაზეა დამოკიდებული, თუ რა ეტაპზე დაუდგინდება ქალს დაავადება. საშვილოსნოს ყელის კიბოს რამდენიმე სტადიას გამოყოფენ.
სპეციალისტები უკვე წლებია საუბრობენ ვაქცინაციის უპირატესობაზე. იგი ქვეყანაში პირველად 2010 წელს შემოვიდა. აცრის შემთხვევაში, სქესობრივი ცხოვრების დაწყების შემდგომ, საშვილოსნოს ყელის კიბოს გავითარებისგან ქალი 70% დაცულია.
როცა უკვე დაავადება შორსწასულია, ქირურგიული ჩარევა გარდაუვალია. შესაძლოა ამოიკვეთოს საშვილოსნოს ყელის ნაწილი, ან ორგანო სრულად. ხოლო, იმ შემთხვევაში, თუ კი დიაგნოსტირება ადრეულ სტადიაზე მოხდება, შესაძლებელია ორგანოს შენარჩუნება, ამასთან რეპროდუქციული ფუნქციით.