28, ივნისი 2021 17:42:00
აჭარაში ზღვის დონიდან 2000 მეტრზე, ჯვარიმინდორის იაილებზე ტურისტული თავშესაფრები და საპიკნიკე ზონა მოეწყობა. აჭარის ტურიზმის დეპარტამენტის ინფორმაციით, ელექტროენერგიითა და წყლით უზრუნველყოფილ ტურისტულ თავშესაფრებში მოსასვენებელი და სამზარეულო სივრცე განთავსდება. რეგიონში ყველაზე გრძელ, ქობულეთი-შუახევის დამაკავშირებელ, 88 კილომეტრიან, სალაშქრო-სათავგადასავლო ტურისტულ მარშრუტზე კოტეჯებთან ერთად, საშხაპეები, საპირფარეშოები, საკოცონე სივრცე და საპიკნიკე ზონა განთავსდება. მოლაშქრეებს ჯვარიმინდორზე ღამისთევისა და დასვენების საშუალება, ეკოსტანდარტებით მოწყობილ თავშესაფრებში, ზაფხულის ბოლოდან შეეძლებათ.