20, ივლისი 2021 18:20:00
„ტვ პირველის“ ოპერატორზე ძალადობის ფაქტზე კიდევ ერთი პირი დააკავეს. ბრალდებულს, შინაგან საქმეთა სამინისტრო, ჟურნალისტისთვის პროფესიულ საქმიანობაში ძალადობის მუქარას, უკანონოდ ხელის შეშლასა და ჯგუფურად ჩადენილ ძალადობას ედავება. უწყების ინფორმაციით, გამოძიებით დადგინდა, რომ დაკავებულმა, 5 ივლისს, „თბილისი პრაიდის“ საწინააღმდეგოდ გამართული აქციის მიმდინარეობისას, ოპერატორს, სამსახურებრივი მოვალეობის შესრულებისას ფიზიკური და სიტყვიერი შეურაცხყოფა მიაყენა. გამოძიება, საქართველოს სისხლის სამართლის კოდექსის, 3 სხვადასხვა მუხლით მიმდინარეობს.