09, აგვისტო 2021 21:45:00
„ერთიანი ნაციონალური მოძრაობის“ მორიგი ბრალდება „ქართულ ოცნებას“. ოპოზიცია ხელისუფლებას კორუციაში ადანაშაულებს. მმართველი გუნდის ოპონენტების განმარტებით, ქალაქის მასშტაბით, რეაბილიტაცია ისეთ ადგილებს უტარდება, სადაც ამის საჭიროება არ არსებობს. მაგალითისთვის „გმირთა ხეივანს“ ასახელებენ. გიორგი კირთაძისა და რეზო ხარაზის პროგნოზით, ტენდერში გამარჯვებული კომპანია „საბა“, რომელსაც პროექტის განსახორციელებლად 6 მილიონ ლარს უხდიან, სამუშაოებს უხარისხოდ შეასრულებს. ამას კი იმ მიზეზით ხსნიან, რომ აღნიშნული კომპანია, ბათუმის რესპუბლიკურ საავადმყოფოს აშენებდა, სადაც ზუსტად ერთი წლის შემდეგ უამინდობისას წყალი შევიდა. ოპოზიციაში ეჭვობენ, რომ კომპანია, „ქართულ ოცნებასთან“ კორუფციულ გარიგებაშია. მმართველ გუნდში კი ოპონენტების ბრალდებას არ უპასუხეს.