25, აგვისტო 2021 21:53:00
ცენტრალურმა საარჩევნო კომისიამ ის პროცედურები განმარტა, რომელიც არჩევნებში მონაწილეობის მიზნით რეგისტრაციიდან მოხსნილმა ან რეგისტრაცია ძალადაკარგულმა ამომრჩევლებმა უნდა გაიარონ. ნათია იოსელიანის განცხადებით, მოქალაქეებმა 11 სექტემბრის ჩათვლით უნდა მიმართონ სახელმწიფო სერვისების განვითარების სააგენტოს და გაიარონ შესაბამისი ეტაპები. წინააღმდეგ შემთხვევაში, ისინი ვერ მოხვდებიან ამომრჩევლეთა ერთიან სიაში და, შესაბამისად, ვერ მიიღებენ კენჭისყრაში მონაწილეობას.