01, სექტემბერი 2021 14:19:00
„სამართლიანი არჩევნებისა და დემოკრატიის საერთაშორისო საზოგადოებამ“ შუალედური ანგარიში წარადგინა. ISFED-ის ინფორმაციით, წინასაარჩევნო პერიოდის მონიტორინგისას, 40-ზე მეტი სხვადასხვა სახის დარღვევა გამოვლინდა. დაფიქსირებულია: სამსახურიდან სავარაუდოდ პოლიტიკური ნიშნით გათავისუფლების 15 ფაქტი; ამავე ნიშნით ზეწოლის, მუქარისა და ხელის შეშლის 11 ფაქტი; 13 შემთხვევაში ადმინისტრაციული რესურსის სავარაუდო გამოყენება, ხოლო 6 შემთხვევაში სოციალური ქსელით აგიტაცია ფიქსირდება. 4-ჯერ - ამომრჩევლის სავარაუდო მოსყიდვა. ანგარიშის მიხედვით, გამოვლინდა მოქმედი თანამდებობის პირების კამპანიის 8 ფაქტიც.