09, აგვისტო 2017 20:19:00
რატომ არ გადაეცა ამბულატორიებს მაღალი გამავლობის მანქანები? - კითხვით ოპოზიცია ქობულეთის გამგეობას მიმართავს. სოფლებისთვის განკუთვნილი ავტომობილები ამ დრომდე გამგეობის პარკინგზე რჩება, რაც ნაციონალურ მოძრაობას ეჭვის საფუძველს აძლევს. ფიქრობენ, რომ ხელისუფლება ამბულატორიებს ავტომობილებს წინასაარჩევნოდ გადასცემს, რაც მათი აზრით ამომრჩეველთა გულის მოგების გამო კეთდება. მუნიციპალიტეტს მაღალი გამავლობის ავტომობილები აჭარის ჯანდაცვის სამინისტრომ რამდენიმე კვირის წინ გადასცა. ოპოზიციის ბრალდებას მუნიციპალიტეტის გამგებელმა უპასუხა.