03, სექტემბერი 2021 18:14:00
ეკატერინე ტიკარაძე კოვიდკლინიკების ხელმძღვანელებს შეხვდა. ჯანდაცვის მინისტრმა, მათთან ერთად, ქვეყანაში არსებულ ეპიდემიოლოგიურ ვითარებაზე, სამედიცინო დაწესებულებების მხრიდან, მედიკამენტებისა და ჟანგბადის რაციონალურ გამოყენებასა და ვაქცინაციის პროცესში არსებულ საჭიროებებზე იმსჯელა. ტიკარაძის შეფასებით, ქვეყანაში სტაბილურობა შეინიშნება. მინისტრმა ასევე აღნიშნა, რომ საჭიროების შემთხვევაში, კრიტიკული პაციენტების მართვის პროტოკოლი შესაძლოა გადაიხედოს, კერძოდ, რამდენიმე მედიკამენტი დაემატოს, რომელსაც კორონავირუსის მკურნალობის პროცესში გამოიყენებენ. შეხვედრაზე მხარეებმა გარდაცვალების შემთხვევებზეც ისაუბრეს. აღინიშნა, რომ სტატისტიკის მიხედვით, ჰოსპიტალში მოხვედრილი პირების უდიდესი ნაწილი არავაქცინირებულია.
1
s
s
s