10, აგვისტო 2017 20:17:00
სურსათის ეროვნული სააგენტო დასავლეთ საქართველოში მცენარეთა საკარანტინო მავნებლების წინააღმდეგ ბრძოლას განაგრძობს. აზიური ფაროსანას და სხვა მავნებლების საწინააღმდეგოდ ფართობების დამუშავება 30 000 ჰექტარზეა დაგეგმილი. აზიური ფაროსანას საწინააღმდეგო ღონისძიებების სახელმწიფო პროგრამის ფარგლებში, აჭარაში დაახლოებით 53 ათას ჰექტარზე გაშენებული თხილის ბაღები შეიწამლა, რამაც მავნებლის პოპულაცია მნიშვნელოვნად შეამცირა. პარალელურად მიმდინარეობს სხვა მავნებლების საწინააღმდეგო ღონისძიებებიც.