გარემოვაჭრეებთან ბრძოლის ახალი სერია - წერეთლის ქუჩაზე ხამსას გამყიდველები, მერიამ მხოლოდ, არჩევნების შემდეგ შეამჩნია
საზოგადოება
უკვე, თითქმის ორი თვეა წერეთლის ქუჩაზე მოქალაქეები ხამსას ყიდიან, თუმცა, პასუხისმგებელმა უწყებებმა ფაქტი მხოლოდ, კენჭისყრის პროცესის ჩავლის შემდეგ შეამჩნიეს. მუნიციპალურმა ინსპექციამ, თვითდასაქმებულებს ტერიტორიის დატოვება აიძულა. ისინი ვინც, თავს ვაჭრობით ირჩენენ ამბობენ, რომ ხელისუფლებას, ხალხს, მხოლოდ, არჩევნებში გამარჯვებისთვის იყენებს. მოქალაქეების თქმით, არჩილ ჩიქოვანმა სკამი გარანტირებულად მოირგო და ახლა მათი მხარდაჭერა აღარ სჭირდება.
გარემოვაჭრეებთან ბრძოლის ახალი სერია, ბათუმის მერიამ, ახლა, არჩევნებიდან სამი დღის შემდეგ დაიწყო. როგორც ჩანს, ორი თვის განმავლობაში, მუნიციპალური ინსპექცია, წერეთლის ქუჩაზე, ხამსას სუნს ვერ გრძნობდა. მოქალაქეები ამბობენ, რომ „ქართული ოცნება“ გამარჯვებულის პოზიციიდან იცქირება და მოსახლეობის ამბოხება აღარ აშინებთ.
უმუშევრად დარჩენილი თვითდასაქმებულები ამბობენ, რომ არჩილ ჩიქოვანმა სკამი გარანტირებულად მოირგო და ახლა მათი მხარდაჭერა აღარ სჭირდება. გარემოვაჭრეები ტერიტორიაზე რამდენიმე კვირაა ხამსას ყიდიან, თუმცა, აქამდე მათთან საქმიანობის აკრძალვის მოთხოვნით არავინ მისულა.
ისინი ვინც, თავს ვაჭრობით ირჩენენ, ბაზრის ტერიტორიაზე გადასვლის წინააღმდეგები არიან და ამისთვის მრავალი მიზეზი აქვთ. პირველი ის, რომ ქირისითვის განკუთვნილი თანხა არ აქვთ. მეორე მიზეზად კი, გაუსაძლის პირობებსა და იქ არსებულ ანტისანიტარიას ასახელებენ. ამბობენ, რომ ხელისუფლება, გაჭირვებულ ხალხს, შემოსავლის ერთადერთ წყაროს და პურის საყიდლად შეგროვებულ თანხას ართმევს.
ადგილზე იმყოფებოდნენ ოპოზიციის წევრებიც. ხელისუფლების ოპონენტების თქმით, „ქართული ოცნების“ მთავრობას, არა მოქალაქეები არამედ თანამდებობები აინტერესებს.
ბათუმის მუნიციპალურ ინსპექციაში გვარწმუნებენ, რომ მოვაჭრეებს ადგილის დატოვება, მიმდებარე ტერიტორიაზე მცხოვრები მოქალაქეების განცხადების საფუძველზე აიძულეს. მათი თქმით, შესაბამისი მიმართვა, უწყებაში, ერთი კვირის წინ შევიდა ანუ ჯერ კიდევ მაშინ, როდესაც მმართველი გუნდი თვითმმართველობის არჩევნების მეორე ტურისთვის ემზადებოდა.
ინდივიდუალურად, თითოეულ მოვაჭრეზე, მუნიციპალური ინსპექცია ადმინისტრაციულ სამართალდარღვევათა ოქმებს შეადგენს. აქ ირწმუნებიან, რომ მოქალაქეებს ბაზრის ტერიტორიაზე სავაჭროდ გადასვლას აიძულებენ.
4
s
s
s