მოქალაქეები კომპანია „ჯაოკენის“ წინააღმდეგ. ბათუმში შავშეთის 58 ნომერში მცხოვრებლები სამშენებლო კომპანიას, საცხოვრებელზე მიყენებული ზარალის ანაზღაურებას სთხოვს. ზვიადაძეები ირწმუნებიან, რომ მათ სახლზე ბზარები მას შემდეგ გაჩნდა რაც კომოპანიამ ადგილზე გიგანტი ობიექტის აშენება დაიწყო. ხმაურსაა და გაუსაძლის მტვერთან ერთად ოჯახს საცხოვრებლები გაუნადგურდა. 2 წლის განმავლობაში არაერთი დაპირების მიუხედავად ისინი თავს მოტყუებულად გრძნობენ. საკითხი სასამართლო დავის საგანია.
ზვიადაძეების ოჯახი, კომპანია „ჯაოკენი“-სგან საკუთარ საცხოვრებელზე მიყენებული ზარალის ანაზღაურებას ითხოვს. ამბობენ, რომ სახლს ბზარები მას შემდეგ გაჩუნდა, რაც კომპანიამ მეზობლად, 4 სართულიანი სავაჭრო ცენტრის მშენებლობა დაიწყო. გიგანტური ობიექტის მშენებლობამ, სახლი იმდენად დააზიანა, რომ ოთხ წევრიან ოჯახს, სადაც მცირეწლოვანიც ცხოვრობს, აქ ღამის გათენების ეშინია.
საცხოვრებლის მიმდებარედ, ეზოში, კიდევ ერთ შენობაა. მიმდინარე მშენებლობის გამო 20 კვადრატული ოთახი სულ მთლად დანგრევის პირასაა. ლია სიხარულიძე გვიყვება, რომ შემთხვევამდე ფართს აქირავებდა, თუმცა, იმის გამო, რომ ახლა შენობა სიცოცხლისთვის საშიშია, დროებითი ბინადრები გავიდნენ და შემოსავლის ეს წყაროც დაკარგეს.
ვიდრე ზვიადაძეების მფლებელობაში არსებული შენობები ამ მდგომარეობამდე მივიდოდა, ისინი, კომპანიის წარმოამდგენლებს რამდენჯერმჯე გაესაუბრნენ. მიიღეს დაპირებაც, რომ მშენებლობის დასრულების შემდეგ ზარალს აუნაზღაურებდნენ. დღეს კი, ოჯახი ირწმუნება, რომ მოტყუებულები დარჩენ.
იმის გამო, რომ ოჯახმა კომპანიასთან შეთანხმებას ვერ მიაღწია, ორი თვის წინ, პროკურატურაში სარჩელი დაარეგისტრირა. გამოძიება ამ დრომდე მიმდინარეობს. ელოდებიან ლევან სამხარაულის სახელობის ექსპერტიზის ბიუროსგან შესაბამის დასკვნას.
ვიდრე საკითხი სასამართლო დავის საგანი გახდებოდა, ოჯახმა დახმარებისთვის ადგილობრივ ხელისუფლებას მიმართა. მერიის ზედამხედველობის სამსახურმა ისინი, უყურადღებოდ დატოვა. ჩვენ ბუნებრივია დავინტერესდით, რატომ არ რეაგირებს თვითმმართველობა მოქალაქეების პრობლემაზე, რასაც შესაძლოა გამოუსწორებელი შედეგი მოჰყვეს. უწყებაში პასუხები ვერ მივიღეთ. კომენტარი არც სამშენებლო კომპანიაში გააკეთეს.
8
s
s
s