26, ნოემბერი 2021 20:48:00
ხმაური სიტყვიერი და ფიზიკური დაპრისპირება. ამ ფონზე მიმდინარეობდა ბათუმის დღევანდელი საკრებულოს სხდომა. ოპოზიცია აპროტეტსტებდა ძველი მოწვევის მიერ 2022 წლის ბიუჯეტის დამტკიცების საკითხს. დაპირისპირება იყო ყველგა,ნ როგორც სხდომათა დარბაზში ასევე კორიდორებსა და გარე პერიმეტრზე. სპეცაილურად მობილიზებული სამართალდამცავები კი ცდილობდნენ ძალის გამოყენებით, დეპუტატები შეეჩერებინათ. საკრებულოს სხდომის პარაელურად არსებული ინციდენტები, ჩვენს რეპორტაჟში.
იმისთვის, რომ 2022 წლის ქალაქის ბიუჯეტი ბათუმის საკრებულოს ახალ მოწვევას დაემტკიცებინა, ოპოზიცია მოთხოვნით არა ერთხელ გამოვიდა. ისინი ცესკოს მიმართავდნენ, დროულად გამოეცა განკარგულება, მეხუთე მოწვევის ოპოზიციური უმრავლესობით დაკომპლექტებული საკრებულო ოპერატიულად შეკრებილიყო და უფლებამოსილება ძალაში შესულიყო. მოთხოვნა, ყურად არავინ იღო და შემდეგი წლის ბიუჯეტი, ისევ 2017 წლის მოწვევის საკრებულომ დაამტკიცა. წინააღმდეგობის მიუხედავად სხდომა შედგა და ბიუჯეტის პროექტს კენჭიც უყარეს.
დაპირისპირება მალე ფიზიკურ ძალადობაში გადაიზარდა. ოპოზიციონერი და მმართველი გუნდის დეპუტატები ერთმანეთს შეურაცხყოფას აყენებდნენ. დროდადრო კი ფიზიკურ შეხლა შემოხლაზე გადადიოდნენ. საკრებულოს სხდომაზე, შესვლას ცდილობდნენ აჭარის უმაღლესი საბჭოს და საქართველოს პარლამენტის წევრები ოპოზიციიდან, თუმცა პოლიცია შენობის კორიდორში, მათზე ფიზიკურად ძალადობდა და მათ გარეთ გაძევებას ცდილობდა.
სხდომა, დაწყებიდან რამდენიმე წუთში შეწყდა. „ნაციონალური მოძრაობის“ წევრებმა, დარბაზში სითხე დაასხეს, რომელსაც მძაფრი, არასასიამოვნო სუნი ჰქონდა, რის გამოც დარბაზში გაჩერება შეუძლებელი გახდა. მირდატ ქამადაძის განცხადებით, სითხე ჯანმრთელობისთვის საზიანო არ იყო. ბიუჯეტის დამკტიცება რამდენიმე წუთის შემდეგ, გაუსაძლისი სუნის მიუხედავად გაგრძელდა. პერფორმანსის შემდეგ, თანაგუნდელების წინააღმდეგობის მიუხედავად, ქამადაძე, სამართალდამცავებმა, შენობიდან, ძალის გამოყენებით გაიყვანეს.
პროტესტი და დაპირისპირება იყო შენობის გარეთაც. ფაქტს, რომ მომდევნო წლის ბიუჯეტის პროექტს ძველი მოწვევის საკრებულო ამტკიცებდა, ეწინააღმდეგებოდნენ აქტივისტები და ოპოზიციის მხარდამჭერები. ისინი, დეპუტატებისთვის დისკომფორტის შექმნას საყვირებითა და ტრანსფარატებით და ხმამაღალი შეძახილებით ცდილობდნენ.
ბიუჯეტი მაინც დაამტკიცეს, თუმცა ოპოზიციაში დანებებას არ აპირებენ. "ერთიანი ნაციონალური მოძრაობის" წევრები პირობას დებენ, რომ არჩილ ჩიქოვანსა და საკრებულოს წევრებს, დისკომფორტს მუდმივად შეუქმნიან და არ მისცემენ უფლებას, კორუფციული გარიგებებით, ქალაქისთვის საზიანო გადაწყვეტილებები მიიღონ.