ცეცხლსასროლი იარაღის გამოყენებით ხულიგნობაში ბრალდებული ყოფილი პოლიციელი 10 ათას ლარიანი გირაოთოს სანაცვლოდ სასამართლო დარბაზიდან გაათავისუფლეს. დაცვის მხარის შუამდგომლობა აღკვეთის ღონისძიების პატიმრობის გირაოთი ჩანაცვლება მოსამართლემ საგამოძიებო მოქმედებების დასრულების მოტივით დააკმაყოფილა და საქმე არსებით განხილვაზე გაიტანა. არჩილ დევრიშაძეს ბრალი საქართველოს სისხლის სამართლის კოდექსის 239-ე მუხლის მესამე ნაწილით წაუყენეს, რაც ცეცხლსასროლი იარაღის გამოყენებით ხულიგნობის ჩადენას გულისხმობს. გამოძიების ინფორმაციით, 2017 წლის 21 ივლისს არჩილ დევრიშაძემ ქობულეთში, რუსთაველის ქუჩაზე მოქალაქე რომან ქათამაძეს სიტყვიერი შეურაცხყოფა მიაყენა და ცეცხლსასროლი იარაღიდან გაისროლა. ბრალის დამტკიცების შემთხვევაში ყოფილ პოლიციელს 4-დან 7 წლამდე პატიმრობა ემუქრება.
1
s
s
s