21, სექტემბერი 2017 17:04:00
12 ხმით ორის წინააღმდეგ. უმაღლესი საბჭოს რეგლამენტში ცვლილებები პირველი მოსმენით ძალაში შევიდა, რომლის თანახმადაც უნდა განისაზღვროს დეპუტატთა გაცდენების რეგულაცია. ოპოზიცია მმართველ გუნდს იმ ცვლილებების დოკუმენტს უწუნებს, რითაც განისაზღვრება დეპუტატების გაცდენებისა და საპატიო მიზეზების დადგენა. ოპოზიციის განცხადებით, რეგლამენტში არ არის დასაბუთებული გაცდენის კონკრეტული მიზეზი. სხდომაზე დღის წესრიგით გათვალისწინებული საკითხების განხილვამდე დეპუტატებმა კუთვნილი დროით სხვადასხვა საკითხებთან დაკავშირებით განცხადებები გააკეთეს. ელგუჯა ბაგრატიონმა მმართველი გუნდის დეპუტატები არჩევნების გაყალბების მცდელობაში დაადანაშაულა. კიდევ ერთი საკითხი დაააყენა ბურჯანაძე-დემოკრატების წარმომადგენელმა. გიორგი ცინციქილაძე დაინტერესდა მონადირეებისთვის ტერიტორიის გამოყოფასთან დაკავშირებით არსებულ პრობლემებზე. პლენარულ სხდომაზე დეპუტატებმა დღის წესრიგით გათალისწინებული 5 საკითხი უნდა განიხილონ.