21, სექტემბერი 2017 14:04:00
საქართველოს თავდაცვის სამინისტროს „არმიჰოლში“ „ძლიერთა თამაშების“ ქართველი მონაწილეების გაცილების ცერემონიალი გაიმართა. „ძლიერთა თამაშები“ კანადაში, ქალაქ ტორონტოში 23-30 სექტემბერს გაიმართება. ტურნირისთვის დაჭრილი და დაშავებული სამხედრო მოსამსახურეებით დაკომპლექტებულმა 15-კაციანმა ნაკრებმა ინტენსიური მომზადება გაიარა. საერთაშორისო თამაშებში ქართველი სამხედროები სპორტის 6 სახეობაში იასპარეზებენ: ველორბოლა, ცურვა, წოლჭიმი, მშვილდით სროლა, ავტორბოლა და მჯდომარე ფრენბურთი. ასპარეზობის მიზანი დაჭრილი სამხედრო მოსამსახურეების საბრძოლო სულისკვეთების ამაღლება და მოტივაციის გაზრდა, ასევე მათი რეაბილიტაციის პროცესში სპორტის აქტიურად გამოყენებაა.
1
s
s
s