21, სექტემბერი 2017 20:04:00
კომპანია „მეტრო სითის“ მშენებლობაზე დასაქმებულებმა გამაფრთხილებელი აქცია გამართეს. ისინი მენეჯმენტისგან სამსახურში დაბრუნებას ითხოვენ. ამბობენ, რომ 8 სექტემბერს მშენებლობაზე 2 ადამიანი დაიღუპა. შედეგად, ორი დღე მშენებლობა გაჩერებული იყო. თუმცა აღნიშნავენ, რომ გაცდენილი დღეების შესახებ ხელმძღანელობა ინფორმირებული იყო. ამ ეტაპზე კი დასაქმებულებს კომპანიაში მუშაობის საშუალებას აღარ აძლევენ. აქციის მონაწილეები 22 სექტემბერს მთავრობის სახლთან მასშტაბურ გამოსვლებს აანონსებენ.მეტრო სითის წარმომადგენელმა ჩვენს სატელეფონო ზარებს არ უპასუხა