06, ოქტომბერი 2017 14:04:00
აჭარის მთავრობის თავმჯდომარე ჩინეთის საგანგებო და სრულუფლებიან ელჩს საქართველოში ძი იენჩის შეხვდა. გაცნობითი ხასიათის შეხვედრაზე ზურაბ პატარაძემ სტუმარს აჭარის საინვესტიციო გარემო და ტურისტული პოტენციალი გააცნო. განიხილეს სამომავლო თანამშრომლობის საკითხებიც სხვადასხვა მიმართლებით, მათ შორის სოფლის მეურნეობისა და განათლების და კულტურის სფეროებში. ჩინურმა მხარემ სურვილი გამოთქვა ჩინური ენის კურსების გაფართოებისა და ხელმისაწვდომობის გაზრდის, რაშიც ბათუმის სახელმწიფო უნივერსიტეტია ჩართული. ზურაბ პატარაძის მხრიდან კი აქცენტი სამომავლოდ რეგიონის ციტრუსის ჩინეთში ექსპორტირების საკითხზე გაკეთდა. ჩინეთის სრულუფლებიანი ელჩი საქართველოში ძი იენჩი საჯარო უწყებების სხვა ხელმძღვანელ პირებსაც შეხვდება.