10, ოქტომბერი 2017 20:05:00
გიორგი ბრწყინვალეს ქუჩის მცხოვრებლები სარეაბილიტაციო სამუშაოების გაგრძელებას მოითხოვენ. ამბობენ, რომ მათთვის გაუგებარი მიზეზების გამო, სანიაღვრე-საკანალიზაციო სისტემისა და გზების მოწესრიგება 2 თვის წინ შეჩერდა, ყოველი უამინდობისას კი ქუჩაში წყალი დგება და სახლებში აღწევს. ბათუმის მერიაში განმარტავენ, რომ აღნიშნულ ქუჩაზე მიწისქვეშა კომუნიკაციების მოწყობა თითქმის დასრულებულია, ასფალტის საფარის დაგება კი მას შემდეგ დაუწყება, რაც მიმდებარე ქუჩების სანიაღვრე არხების კთილმოწყობა დასრულდება.