22, ოქტომბერი 2017 20:01:00
„ქართულ ოცნებასთან“ და მის რეჟიმთან ბრძოლა ახლა იწყება“- განცხადება დღეს „ერთიანი ნაციონალური მოძრაობის“ აჭარის ორგანიზაციის წევრებმა გააკეთეს. „ ტოტალურად გაყალბებული არჩევნები“ - ასე შეაფასეს დღეს თვითმმართველობის არჩევნების წინასწარი მონაცემები და განაცხადეს, რომ საარჩევნო პროცესი სუსის მიერ მართული იყო. პარტია დარღვევებთან დაკავშირებით საარჩევნო უბნებზე დაფიქსირებული ვიდეომასალის გამოქვეყნებასაც გეგმავს. ოპოზიციის ბრალდებებს, „ქართული ოცნების“ ბათუმის მერობის კანდიდატმა ლაშა კომახიძემ უპასუხა.