25, ოქტომბერი 2017 17:11:00
ბათუმის 79-ე საოლქო საარჩევნო კომისიაში საჩივრების განხილვა დასრულდა. მათი უმეტესობა შემაჯამებელი ოქმების არასწორ შევსებას და ბიულეტენების დისბალანსს ეხებოდა. კომისიის წევრებმა დღეს 13 საჩივარზე მიიღეს გადაწყვეტილება. მათგან ერთზე, რომელიც განვითარებისა და დემოკრატიის ცენტრმა წარადგინა, კომისიის თავმჯდომარემ გადაწყვეტილება 15 დღის ვადაში უნდა გამოაცხადოს. დარჩენილი 12 საჩივრიდან 4 უსაფუძვლობის გამო არ დაკმაყოფილდა. 8 კი ნაწილობრივ დაკმაყოფილდა. შედეგად უბნების თავმჯდომარეებს და მდივანს გაფრთხილება მიეცათ. კომისიის გადაწყვეტილებით უკმაყოფილოა ორგანიზაცია "სამართლიანი არჩევნების" წარმომადგენელი.