27, ოქტომბერი 2017 14:06:00
„ევროპული საქართველო“ 83-ე საარჩევნო საოლქო კომისიის წინააღმდეგ. შესაბამისი სარჩელით პარტიამ ხელვაჩაურის რაიონულ სასამართლოს მიმართა. ოპოზიციური პარტიის წარმომადგენელი ოლქის კომისიას მიკერძოებაში და არაობიექტური გადაწყვეტილების მიღებაში ადანაშაულებს და თავმჯდომარე ომარ ვარშანიძის პასუხისმგებლობის დაყენებას ითხოვს. ევროპული საქართველოს მერობის კანდიდატი ირწმუნება, რომ 46-ე უბანზე რეგისტრირებული ამომრჩევლების და ბიულეტენების რაოდენობა ერთმანეთს არ ემთხვეოდა. ასევე, უბნის საარჩევნო კომისიამ ოლქს დაულუქავი დოკუმენტაცია გადასცა. პარტია აღნიშნული უბნის შედეგების გაბათილებას ითხოვს.
83-ე საარჩევნო საოლქო კომისიის თავმჯდომარე ბრალდებებს უარყოფს დააცახდებს, რომ 46 უბანზე არ ყოფილა პროცედურული დარღვევები, რაც შეეხება დოკუმენტაციის დაულუქავად წარდგენას, ომარ ვარშანიძის თქმით, უბნის თავმჯდომარესა და მოადგილის მიმართ კანონის შესაბამისდ მხოლოდ დისციპლინარული გაფრთხილებით შემოიფარგლნენ.