27, ოქტომბერი 2017 17:03:00
აფხაზური ენის დაცვისა და განვითარების სახელმწიფო პროგრამა იქმნება. ამის შესახებ პრემიერ მინისტრმა მთავრობის დღევანდელ სხდომაზე განაცხადა. გიორგი კვირიკაშვილმა აღნიშნა, რომ ინიციატივა საფუძველი იქნება ნდობის აღდგენის პროცესში, ვინაიდან იგი მრავალმხრივ ღონისძიებებს ითვალისწინებს. პროგრამას ექნება საკუთარი ბიუჯეტი და საზოგადოების აქტიური ჩართულობით განხორციელდება. პრემიერი დარწმუნებულია, რომ აფხაზური ენისა და კულტურის მიმართ ქართული მხარის გულწრფელი და სიღრმისეული დამოკიდებულება ძალიან მნიშვნელოვანი იქნება იმ დამწვარი ხიდების აღდგენის პროცესში, რომელიც აუცილებელია ერთიანობისთვის.