31, ოქტომბერი 2017 17:04:00
შესაძლოა აჭარის უმაღლეს საბჭოში ანაზღაურებადი სტაჟირება გაუქმდეს. საკითხი ბიუროს დღევანდელ სხდომაზე დავით გაბაიძემ დააყენა. მიზეზად ის რეგულაციები დაასახელა, რომლის თანახმადაც, აღნიშნული სტაჟირება შტატგარეშე თანამდებობას გულისხმობს. უამღლესი საბჭოს თავმჯდომარის განცხადებით, იმ შემთხვევაში თუ საკითხს სხდომაზე უმრავლესობა მხარს დაუჭერს, საკანონმდებლო ორგანოში მხოლოდ არაანაზღაურებადი სტაჟირება იქნება შესაძლებელი. ბიუროს წევრებმა დღეს კიდევ ერთ საკითხი განიხილეს, რომელიც დეპუტატების სწრებადობას და გაცდენებს ეხება. რიგგარეშე სხდომაზე აღნიშნული საკითხი დეპუტატებმა პირველი მოსმენით უკვე მიიღეს. მომდევნო სხდომაზე მისი მეორედ მოსმენა გაიმართება. უმაღლესი საბჭოს წევრებმა ბიუჯეტში ცვლილებებზეც იმსჯელეს. კერძოდ, საფინანსო- საბიუჯეტო კომისიამ ბიუროს ოთახის შეცვლის გამო, ინვენტარისთვის თანხების გამოყოფა მოითხოვა.