07, ნოემბერი 2017 14:08:00
ადგილობრივი თვითმმართველობის არჩევნების წინასაარჩევნო პერიოდის მედია მონიტორინგის მეორე შუალედური ანგარიში ცნობილია. მონიტორების დაკვირვებით, წინასაარჩევნო პერიოდში "TV 25"-მა თითქმის ყველა პოლიტიკურ პარტიას დაუთმო დრო. საუკეთესო დროს საინფორმაციო გამოშვებებში „ქართულ ოცნებას“ – 36.6%, „ერთიან ნაციონალურ მოძრაობას“ – 33.5%, „საქართველოს ლეიბორისტულ პარტიას“ – 10.6 %, ხოლო ყველა დანარჩენ სუბიექტს 10%–ზე ნაკლები. მაუწყებლის ყოველკვირეული ინფორმაციის შესაბამისად, " TV 25"–ის თვითრეგულირების მექანიზმში არც ერთი საჩივარი კომპანიის მიერ მიუკერძოებლობის, სამართლიანობის პრინციპისა და ბალანსის დარღვევის შესახებ არ შესულა. საანგარიშო პერიოდში მონიტორინგს 40 სამაუწყებლო არხი დაექვემდებარა.