12, დეკემბერი 2017 14:15:00
უკრაინის გენერალური პროკურატურა მიხეილ სააკაშვილის აღკვეთის ღონისძიების გარეშე დატოვების თაობაზე სასამართლოს გადაწყვეტილებას გაასაჩივრებს. ამის შესახებ გენერალურმა პროკურორმა განაცხადა. იური ლუცენკო არ ეთანხმება
მოსამართლის გადაწყვეტილებას. პროკურორი ამტკიცებს, რომ სააკაშვილი კურჩენკოს ფულით „ხელისუფლების დასამხობად მოძრაობას უწევდა ორგანიზებას“. კიევის პეჩერსკის სასამართლომ უკრაინის პროკურატურის მოთხოვნა, მიხეილ სააკაშვილისთვის შინაპატიმრობის შეფარდების შესახებ არ დააკმაყოფილა. საქართველოს ყოფილი პრეზიდენტის აღკვეთის ღონისძიების შეფარდებაზე სასამართლო გუშინ რამდენიმე საათის განმავლობაში მსჯელობდა.
აღკვეთის ღონისძიების სახით შინაპატიმრობის შეფარდების შუამდგომლობით სასამართლოს ბრალდების მხარემ მიმართა.
მიხეილ სააკაშვილი კიევში 8 დეკემბერს, ერთ-ერთ საცხოვრებელ ბინაში დააკავეს.