12, თებერვალი 2018 20:01:00
დაახლოებით სამი საათის წინ კიევში საქართველოს მესამე პრეზიდენტი დააკავეს. თვითმხილველების ინფორმაციით, მიხეილ სააკაშვლი ერთ-ერთ რესტორანში 25-მა სპეცრაზმელმა აიყვანა. სააკაშვილის მომხრეების თქმით, ბორისპოლის საერთაშორისო აეროპორტიდან დაახლოებით ერთ საათში იგეგმება რეისი ვარშავის მიმართულებით, შესაბამისად მათ ეჭვი აქვთ, რომ საქართველოს მესამე პრეზიდენტს სავარაუდოდ, სწორედ ამ რეისით დაატოვებინებენ უკრაინას. რაც შეეხება იმ ქვეყანას, სადაც მისი გადაყვანა იგეგმება, გავრცელებული ცნობით, იგი პოლონეთში მიჰყავთ.