15, თებერვალი 2018 14:02:00
თურქმა მესაზღვრეებმა საზღვრის უკანონო გადაკვეთის მცდელობის ფაქტზე საქართველოს სამი მოქალაქე სარფის საბაჟოზე დააკავეს - ინფორმაციას ამის შესახებ თურქული მედია იტყობინება. მესაზღვრეებმა ერთი მამაკაცი და ორი ქალი თურქეთიდან საქართველოში მიმავალ ავტობუსში მოწყობილ სამალავში აღმოაჩინეს. ისინი სამშობლოში დაბრუნებას ცდილობდნენ. სამართალდამცველების ინფორმაციით, საქართველოს მოქალაქეებს თურქეთში შესვლა აკრძალული ჰქონდათ. თურქულმა მხარემ ბრალდებულების საქართველოში დეპორტაცია განახორციელა.