15, თებერვალი 2018 20:02:00
ე.წ. "ოცნების ქალაქში" 12 წლის გოგოზე სავარაუდოდ, სექსუალურად იძალადეს. დასახლებაში ამბობენ, რომ გოგონა ერთი კვირის წინ დაიკარგა და იგი სამართალდამცველებმა იპოვეს. გავრცელებული ინფორმაციით, არასრულწლოვანზე მეზობლის სტუმარმა სექსუალურად იძალადა. ტერიტორიაზე ჩასახლებულების თქმით, 18 წლის ბიჭი ბრალდებას არ აღიარებს. როგორც შინაგან საქმეთა სამინისტროში განაცხადეს, პირველადი მონაცემებით გაუპატიურება არ იკვეთება, დანიშნულია შესაბამისი ექსპერტიზა. ფაქტზე კი გამოძიება სისხლის სამართლის კოდექსის 140-ე მუხლით დაიწყო, რაც სექსუალური ხასიათის შეღწევას გულისხმობს.